परांजपे घराण्यांपैकी बरीचशी घराणी मूळची अडिवऱ्याची आहेत. ही घराणी प्रथम आपला मुळगाव सोडून जसजशी दुसऱ्या गावी वसाहत करीत गेली, तसतशी त्या त्या गावाच्या देवताही ती मानू लागली. देवता व त्यांचे गाव पाहून एखादे घराणे मूळचे कोठले असावे हे ठरविण्यास खाली दिलेल्या यादीचा उपयोग होईल

कुलाचार - कुलदेवतास नैवेद्य मुख्यत्वे देवदिवाळीस घालतात. काही घराण्यात गुढी पाडवा, दसरा व शिमगा या दिवशीही नैवेद्य असतात. अश्विनातील नवरात्र, महालक्ष्मीपूजन व मंगलकार्यानंतर बोडण हे चित्तपावनांचे मुख्य आचार सर्व घराण्यांत आहेत. काही मंडळी नवसाला पावलेल्या खंडोबास भजतात. काही घराण्यात गोंधळाची चाल आहे. सामान्यतः गणपती पाच दिवस बसवितात. परांजपे मंडळी दुसरी एकादशी करितात.
सदर कुलाचार कुलदेवतेच्या ठिकाणी न करता आपापल्या घरी केले जातात.